22-майда Румыниянын Конституциялык соту президенттик шайлоодо Никушор Дандын жеңишин тааныды. Ал 26-майда кызматка расмий киришүү үчүн ант берет.
"Тарыхтын жаңы барагы ачылып жатат. Румын элинин мага берген мандаты үчүн жоопкерчиликти түшүнөм деп ишендиргим келет", - деди Дан.
Румынияда 18-майдагы президенттик шайлоонун экинчи айлампасында Бухаресттин либерал мэри Никушор Дан жеңген. Ал саясий атаандашы, ашынган оңчул “Румындардын биримдиги үчүн альянс” (AUR) партиясынын лидери, улутчул саясатчы Жорже Симиондон көп добуш алды.
Өлкөнүн туруктуу шайлоо комиссиясы Данды шайлоочулардын 53,6%, ал эми Симионду 46,4% колдогонун билдирди.
Никушор - Украинага жардам берүүнү жана Румыниянын Европа Биримдигине терең интеграциясын колдогон саясатчы.
Президенттик шайлоонун биринчи айлампасы 4-майда өткөн. Анда Симон 40,5% добуш алып алдыга чыккан. Данды шайлоочулардын 21% колдогон болчу. (AiA)