"Индиядан, Пакистандан келгендер жумалап кезек күтүшөт". Мигранттардын мыйзамдашуу маселеси

Улуттук коопсуздук комитети 10-июндан тартып мыйзамсыз мигранттарга каршы рейд башталарын билдирди. Мекеменин маалыматына ылайык, өлкөдө 5 миңдей мигрант мыйзамсыз жүрөт. Кыргызстанда соңку жылдары Индиядан, Пакистандан, Бангладештен келген эмгек мигранттары көбөйгөн. Алардын көпчүлүгү курулуш, тейлөө жана тигүү цехтеринде эмгектенет.